Tuesday, May 13, 2008

هي



أنساها ؟

كثيرة أغاني العشق، كثيرة عبارات الغرام، كثيرون من ادعوا أنهم تحدوا العالم من أجل عيون الحبيبة التي لا تـُوصف، ليأتي النضج، يرشدني إلى أن الحب والعشق قوة قد تصنع الكثير ، وليس أحلام تأتي في يقظة ، يقظة نائمة عن الخطوات الضرورية .. ورغم أن العشق حالة مليئة بالمشاعر
مليئة بالأحلام والكلمات الناعمة ، إلا أن العشق جعل من جسدي النحيل شيئا يُشبه صفوف من محاربي الفايكنج
بعد أن وعدتها بأن أكون ، وأن أكون ، أتيت للقاهرة .. مشمرا عن ساعدي وعن لهفتي لأن أكون
لحظة لن أنساها .. عندما كنت أحمل وسادة من على تلك السيارة النصف نقل
الذي أتيت بها من مدينتي ناقلا حياتي .. وأدواتي
لحظة كنت أقف على صندوق السيارة، أنظر لمتعلقاتي وتنبهت .. ماذا سأفعل في تلك المدينة الكبيرة، وماذا سأفعل حيال ذلك الإحساس المؤلم بالقلق الذي ينتشر على صدري مثل النمل
متى أستطيع أن أقول .. أستحقها
لطالما كنت أحاول أن أشيح بنظري من عينيها حتى أتخلص من ذلك الفتى التافه الذي يتقمصني
ويرتديني
لطالما تساءلت
متى تأتي اللحظة التي أنظر لعينيها مباشرة بوجنتيّ التي تغطيهما شعيرات ليس منتظمة في انبساطها ولا أهتم بأنني لست حليق الذقن أو بشعري الغير ممشط
وإنما أهتم فقط بأنني ذلك الإنسان الذي وعدها بأن يكون من أجلها
حبيبتي .. لطالما صُلبت وقـُيدت .. وتهافتت السياط تنثر أختامها الطويلة المحمّرة على ظهري وصدري، وشعرت لأوقات طويلة بالوحدة والتخبط
وظللت أركض على حبلٍ رفيع .. على يميني فشل وعلى شمالي إهانة
وكدت أسقط مثل من سقط
لولا سماعي
لصوتك الذي لا يفارق كل أغاني العشق
فيعطيها الجمال .. والصدق

22 comments:

Anonymous said...

يعنى انا عملت فيك ايه يا علوة
جميلة جدا لدرجة انى مش قادرة اقول حاجة
عندك قدرة غريبة انك تخلينى احس بكل الحاجات اللى ضاعت منى وكل الاحاسيس اللى عمرى ما عشتها ولا شوفتها
دايما بتوصلنى لنفس النتيجة
ان التى لم تعرف حب حبيب مثل على قنديل
لم تصادف المعنى الحقيقى للحب
هنيئا لها يا سيدى حبيبتك
انا شخصيا بحسدها
وبعد كل الحب ده بتقول
متى استطيع ان اقول .... استحقها
لا قول براحتك معلش
هو فى اكتر من كده
ربنا يسعدك

Noha El-arabi said...

أن الحب والعشق قوة قد تصنع الكثير ، وليس أحلام تأتي في يقظة
عزيزي و صديقي علي لست في حاجة الي ان تقول بعد ذلك هل تستحقها
اسألها هي هل تستحقك بعد ان تشبثت بهذه القوة و قررت الاحتفاظ بها
..................
صباحك زي الفل

علوة said...

Anonymous
ربنا يكتب لك الخير يا رب
كل إحساس وله وقته المناسب
ربنا مرتبها
صباحك ورد

علوة said...

نهى العربي
الموضوع أكبر وأجمل من كده
إدعي لي فقط لا غير
(:

ياسمين حميد said...

يارب يسعدك ويسعدها معك

Marwa Friday said...

صباح الفل
لا طبعاً مش بالساهل النسيان، خاصة إذا كانت إنسانة بهذا النقاء!ا

يارب تحقق ما في بالك
ويريح بالك ربنا يا علي
ويجمعك بها وتزوق كل لحظات حياتك معنوياً ومادياً
آمين يارب

حلو وصفك للحظة السفر.. هايل

مدينة الزقازيق ترحب بكم
صاحبتكم السلامة
محافظة الشرقية
:))

علوة said...

ياسمين حميد
ربنا يكرمك يا رب
ميرسي جدا
نورتيني

علوة said...

مروة جمعة
هو انتي مفيش مرة إلا لما تهرجي برضه ؟
هههههههههههههههههه
عموما يا أختاه أكرمك الله
بس إدعي بجد مش كدهو وخلاص

Unknown said...

بالرغم من انى مش فاهمة مين هية
بس موضوع مميز

علوة said...

أيوية المميزة
أخبارك ايه يا ترى ؟
بس سؤال
مش فاهمة مين هي ؟
ولا مش حاسة مين هي ؟
أصلها تفرق عندي جدا
صباح الفل

PrInCeSS BeRy said...

حلوة اوى بجد ووصفك لنفسك وانت بسيط مش فى ابهى صورك وغير حليق الذقن ان دلت على شىء فا هية بسيطة اوى وحب فى رؤية محبوبتك

تسلم بجد

خيرالدين said...

تدوينه زى دى
كل اللى اعرف اعمله بعدها
انى ادعى لك ربنا يحقق لك كل اللى فى بالك

Mohanad Mokhtar said...

مش عارف اقولك ايه ياعلى لأن احساسك ده صادق جدا بدليل ان احساسك هو الى كتب البوست ده مش تفكيرك انت كنت عايز توصل احساس عالى وبالفعل نجت فى كده بس انشاءالله النجاح هيكون بجد لما تملكها للأبد
ربنا يكرمكوا انتوا الاتنين انشاء الله

علوة said...

برنسيس بيري

العفو
التذوق موهبة لا تقل عن الطبخ
تسلمي
...
احنا
ربنا يسمع منك يا موهوب ولا يدري
أو لعله يتكاسل
ولا ايه ؟
..
معاصر
يا زعيم ربنا يكرمك
انت جبت المفيد
الإحساس

weswes said...

جميل جدا
تحياتى:)

weswes said...

لالامش جميله
رائعه بس المره دى القصد المدونه كلها
اعزرنى انا كتبت التعليق اللى قبل كده لما قريت التدويه دى بس
واثارنى الفضول انى اقرى باقى اللى انت كتبته بجد تحفه تحياتى ليك
:)

مريم said...

اللى عايز يعرف هى مين واللى عايز يعرف هى فين

وصاحب الشأن حاله كحال الصوفية يرمى بالكلام ولا يعبأ بفهم محدثه

الا يكفى انك ترى ولو لم نرى ما ترى

وتنساها؟
بقى ده اسمه كلام يا موعود

Anonymous said...

ماشاء الله :) ربنا معاكوا و يفقكوا و يجمع بينكم على خير ويزود الحب اللى بينكوا و ما يحرمكوش من بعض ويخليكوا لبعض طول العمر ان شاءالله:)

ياسمين "خطيبة شاب معاصر"

علوة said...

مريم
؟؟
؟؟
؟؟

ياسمين
ربنا يخليكي ألف ألف شكر
نورتيني
يا زين م أختارتي

مريم said...

ست علامات استفهام ومتوزعة عى تلات سطور
ده انا مبهمة بنت ستين فى سبعين

انا بس قريت تعليق ايوية اللى بتقولك انا مش عارفة هى مين

مش ده المهم ..المهم انك شايف وحاسس وغلبك الحنين فتحدثت بما ذكرت آنفاً

لما بقوللك انك موعود لانى شايفة فى كلامك لغة حد مأخوذ اوى واللى يتشد كده مش ممكن ينسى اللى شده بغض النظر عن هوه مين او ايه

كتير من المتصوفين بيتحدثوا بلغة غير مفسرة او مفهومة وده لأنهم متشبعين بالحقيقة لأبعد مدى

ومعلش يا علوة اصلى ساعات بخبط الكلمتين واجرى ..تقدر تقول ان انا كمان مش بيفرق معايا مين يفهم من مين ميفهمش

شادي أصلان said...

اولا ربنا معاك وبجد بدعيلك من قلبي والله العظيم

عارف طول عمري وانا بفكر اني لو لقيت الحب الي يوصلني للحالة دي
ياااااااااااااااااااااا
دا انا ممكن اعمل حاجات كتير اوي
طبعا في ظروف وفي حاجات ممكن نكون كلنا منعرفهاش
بس العمق في كلامك بيبان اوي لما تتمني انك تتعري من المظاهر
وميهمكش ذقنك محلوقه ولا لا اعتقد ان دا رمز للتحرر من الكلام الفارغ الكلام الي مهما تمسك به الناس اعتقد انه غير قادر علي نفي الحب
اسف للاطاله ويارب اكون مبعدتش اوي بخيالي عن الي انت كنت تقصده
شكرا

أخف دم said...

جميل البوست وجميل جدا عبكويم.. سيناريو رائع وتمثيل اروع. ربنا يوفقك