Tuesday, June 10, 2008

فيلم عبكويم

عبكويم
بعد فترة من المناقشات حول "عبكويم" نصحني الكثيرون بأن أنشر الفيلم على مدونتي، لعل آخرهم صديقي الذي انضم أخيرا لقائمة المميزين لدي أشرف توفيق صاحبة مدونة أخف دم
فكرة نشر الفيلم لم تكن أساسا في الحسبان، فقد قمت بصناعته مع صديقي اللدود مينا جودت وكان أقصى طموحي أن أخبر أصدقائي
"شوفوا كده يا جماعة .. أنا عملت شخصية .. إيه رأييكوا"
وكان هناك عدد قليل جدا من أصدقائي الذي قصدت أن يروا الفيلم، أولهم دون جدال أخويا قنديل، تليه والدتي ونوجا وعددا آخر بسيط
هذا فقط ودمتم، ولكن الأمر تفاقم وازداد حتى فوجئت بأن هناك عددا كبيرا من مرتادي الفيس بوك قد أعجبوا بالشخصية، والجميل أن من بينهم أطفالا صغار وأمهات، ومثقفين وفنانين ورياضيين، ووجدت سيلا من عبارات الإطراء التي لم أكن أتوقعها، وبالتالي قررت أن أرسل الفيلم لكل أصدقائي
رفع الفيلم على الصفحة الرئيسية لموقع ماشي دوت كوم، كان له أثرا بالغ الإيجابية في رفع نسبة المشاهدة التي تخطت الأربعة ألاف، ورغم اختلافي -كعادتي- مع سياسة العمل في الموقع الذي به مواهب وعقليات تكفل له الانطلاق ليكون واحدا من أقوى المواقع الإليكترونية في مصر، إلا أنني مدين بالشكر لتقديرهم للفيديو، رغم إندهاشي من رفعهم لفيلم آخر شديد السوء مما أصابني بالإحباط والشعور بأنه أي فيلم والسلام
كنت أريد أن أصف صديقي عبكويم من الداخل، مثلما كنت أحكي لصديقي المقرب مخلوف على ذلك المقهى الفاخر في الزمالك، حيث سألني عن الفرق بين الرسم والتمثيل، وكانت إجابتي بذرة لبوست قادم قريبا عن علاقتي بمخلوف يلي البوست الذي سأتحدث فيه عن عبكويم ولكن بعد أن تشاهدوه
أتمنى فقط .. أن تفعلوا كما أفعل، الوضوح دون مجاملات، كمان كنت أفعل في مدونات الأصدقاء والغرباء، فقط أراءا صريحة

video
عمل على هذا الفيلم اثنان
علي قنديل – ممثل يثق في نفسه قام بارتجال الفيلم
مينا جودت – مصوّر العمل معه متعة لا توصف

ملحوظة
بدونك يا مينا يا جودت مكنتش عرفت أعمل حاجة
رغم انك كنت بتضحك كتير أثناء التصوير
صباح الفل

25 comments:

Anonymous said...

صديقى المبدع والفنان جدا والموهوب للغاية على قنديل
على راى واحد صاحبى قال مره
الموهبة كاالجريمة لا يمكن اخفائها
وبالرغم من ان جريمنك نعد الجريمة الكاملة ولكن دى الجريمة الكاملة الوحيدة التى لا يمكن اخفائها
استمتع بموهبتك ومتعنا انا عن نفسى معتمدة اعتماد كلى عليك فى النقطة دى الفترة القادمة
تخيل انت فيديو بسيط باامكانيات بسيطة وبجهود بسيطة جدا ومرتجل ويعمل كل ده
المشكلة كمان ان خلاص مش عارفه اقتنع بحد اوى وكل دور اشوفه اقول امال لو علوة عمله هيبقى ازاى
تحياتى لموهبتك لانها تستاهل
وتحياتى لصاحب الموهبة لانه بيحاول بكل الطرق انه يحافظ عليها

Noha El-arabi said...

تصحيح بسيط
انا من ضمن هؤلاء الاصدقاء الذي تم الأخذ في الاعتبار برأيهم دون أن تتم دعوتهم
:)
التصحيح الاهم
علي قنديل: ممثل يثق في نفسه قام بابداع هذا الفيلم
و قد لزم التنويه

ايوية said...

تحياتى لعبكويم
وقل ما قام بعملة و بذل اى جهد فية

Darine said...

I was just passing by .... and though what the harm a short movie could make...
1st: the music choice was HILARIOUS
2nd: 3abkeweem kan gamed GEDAN
3rd: you would've though the comments would weaken the narration but it didn't

Finally very entertaining keep it up

Mohamed Shedou محمد شدو said...

جميل جدا

سعيد بالفيلم وأسعد أن وجدت مدونة "من ريحة" صديق حبيب لا حد لمعزته

سوف أتابعك دائما إن شاء الله

علوة said...

ميرسي جدا يا جماعة
...
بس أ محمد شدو
حضرتك استاذ محمد شدو اللي انا اعرفه ؟
أصل مش ممكن بجد ؟

Mohamed Shedou محمد شدو said...

نعم يا عزيزي انا هو
:)
مبسوط جدا بيك وبمدونتك وباهتماماتك
وبابداعك
وان شاء الله تحقق حاجات جميلة دي امنيتي ومتأكد انها ممكنة التحقيق ان شاء الله
سلامي الكبير جدا جدا للصديق الأعز والأخ الأكبر ا. ابراهيم قنديل ولمحمد قنديل أخوك

علوة said...

ميرسي جدا جدا يا استاذ محمد
ربنا يقدم الخير
يوصل السلام
خللي بالك من نفسك في الأوطان البعيدة

Meekness !!! said...

ازيك يا علي
بقالي كتير مش جيت
بس بالصدفة لقيت عبكويم على افيس بوك
مخدتش بالي برضه انه انت و شفت الفيلم
حلو وقي قوي قوي قوي بجد
عجبني جدا
فكره هايله فعلا


اخدت بالي من ردك على التعلقيات " صباح الورد و صباح الفل "
افتكرت انه انت يا علوة



ف جيتلك هنا علطووول
عشان اقولك فعلا حلو قوييييييييي
مستنينن افكار تانيه


تحياتي ليك و لمينا .. و صباح الورد
بس انت فينك من زمان ؟؟؟

زيزي

ياسمين حميد said...

فيلم جميل واداءك فيه هايل
والتصوير أيضاً كان رائع
لكن الموسيقى التصويرية لم تكن مناسبة أبداً بصراحة
لو ألغيتها أو استبدلتها بموسيقى أكثر هدوءاً يكون احسن

وتحياتي

محمد العدوي said...
This comment has been removed by the author.
محمد العدوي said...

ازيك يا علوة ..
مبروك أولا ..

التصوير جميل قوي .. اصلا انت متصور كام صورة عالية قوي في المدونة هنا ..


مش عارف .. كنت حاسس ان الموسيقى صوتها عالي .. يعني يا اسمعها يا اسمعه . كمان مأضافتش حاجة للجو العام


انت بقى كنت عالي .. في الحتت اللي النص كان عالي فيها ..

Zika said...

انا شوفت الفيلم من قريب
فعلا لو فيه احسن من رائع كنت قلتلك
انا شوفت الفيلم بس ما كنتش اعرف مين اللي عمله بس والله فرحت جدا اني عترت فيك
انا علي كفره كاتب سيناريو بدات حاليا بفيلم روائي قصير شغال فيه دلوقت وبمثل بارضه في نفس الفيلم
عموما بعد اول زياره لمدونتك
بقولك
مدنوتك رائعه
بالتوفيق في مستقبلك يا ريس
سلام

عزيز عيني said...

ادائك هايل بصراحه ومافيهوش فزلكه
الفكره جميله وبسيطه
وياريت لو فيه اعمال تانيه تنزلها
تحيااااااااااني

Baher said...

عليا الحوام عليا الحوام انا احن واحد يعمل خطة بالأرجنتين
هههههههههههههههه
ياجامد

عيد الخميسي said...

الصديق على قنديل..المدونة رائعة جداً
، الأداء في الفيلم كان مذهلاً

تحياتي، محبتي

سمير مصباح said...

اداءهادىء صادق حميل
لفنان حقيقى
واقترح عليك ان تطور هذه الشخصية
لا اعنى تطوير سماتها ولكن مثلا ان تناقش هذه الشخصية برؤيتها السطحية المتفلسفة قضاياوطنية واجتماعية وسياسية مختلفة
ليصنع التناقض بين سطحية الشخصية وعمق واهمية القضايا التى تتناولها نوعا من الكوميديا السوداء ( ربما )
وتتيح لك مسساحة فنية لنقد المجتمع

كل التحية لك
وسؤال اخير
انت محلاوى ؟

amr.m.rezk said...
This comment has been removed by the author.
amr.m.rezk said...

للأسف يا علوه انا مكنتش من اللى شافو الفيلم فى الاول.
بس انت فعلا من الناس اللى عارفين معنى الفن وبرضو من الناس اللى فاهمين يعنى ايه رسالة الفن وقيمته.
الفيلم دا بجد تحفة وفكرة هايلة.


عمرو رزق

shaw said...

علي باشا..
اعتقدت أن المقهي الفاخر بالزمالك الذي تحدثت عنه هو نفس المكان الذي تعرفت فيه عليك وعلي مخلوف عن طريق الصديق المشترك والموهوب سالم الشهباني

يومها أخبرتك برأيي ورأي كل من شاهد الفيلم وهو لا يعلم من هو علي قنديل..بل لايعلم بوجود شخص بهذا الاسم من الأساس.."ده ممثل عبقري"..هكذا كان الرأي

سعيد بمعرفتك وسعيد بالمدونة وبكل شئ
وكل سنة وانت طيب

علوة said...

احمد باشا باشا
صدقني انا اسعد بتعليقك الفاخر بحق
وأتمنى أن أصبح جديرا بتلك الصورة التي تراني فيها
كما أن جدير بلوحتك الجدارية لدي
صباحك فل

MMF said...

اهنيك ياعلى
بجد تحفـــــة

http://blog.spmmf.com/2009/05/3abkeweem-funny-short-movie/

Anonymous said...

الفيلم رائع والذي ادهشني ليس التشخيص الممتاز وهو درجة ارفع من التمثيل ولكن الاخراج المتميز والمونتاج الاكثر تميزالفيلم ارتجالي استمر

Anonymous said...

انا في الاول افتكرته واحد مدمن بجد !! و على اد ما ضحكت كان صعبان عليه .. و دلوقتى لما عرفت انه تمسيل فتمسيل بجد حسيت اد ايه الفيلم ده جامد و اننا ممكن اضحك من غير تأنيب ضمير... بجد فيلم و موهبة فى غاية الجمال

نظافة مثالية said...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف الخبر