بالصلاة ع الحبيب
لازم طبعا أبدأ كلامي بالترحيب والذي منه
بس الأهم عندي يا جماعة ان البلوج ده يبقى مفهوم مبدئيا
البلوج ده هتلاقي فيه مواضيع صحفية تتعلق بالسينما نشرت أو لم تنشر في الجرنال - بالمناسبة انا حاليا صحفي في الدستور تحديدا صفحة الفن - ولأني أساسا مواطن مصري متسكع ، هتلاقي فيه مغامرات وحكايات حصلت معايا فعلا بكل خيالها وعدم قابليتها للتصديق، لو لقيت صعوبة فعلا أنك تصدقها راجع الشارع المصري أولا وممكن ده يساعدك أنك تصدق . وأنا من ناحيتي هحاول أننا نستمتع كلنا بالبلوج ، بالمناسبة اللي شجعني أعمل البلوج ده ضحكة مخلوف لما كنت أحكيله عن أي مغامرة من دول.
شكر خاص لصديقي مخلوف اللي ساعدني في صنع هذا البلوج .
!! انتظروا قصة سواق الميكروباص اللي مات وهو سايق جنبيعلوة
9 comments:
ربنا يستر علينا !
والله يا عم قنديل شكر الله سعييكم !
هو محدش بيجي البلوج ليه
شوف يا قنديل كده اليافطة منورة ؟
ايوة اليافطة منورة
مبروك يابو علوة
مخلوف
طيب
قنديل
مردتش عليّ
:D
اللهم صل ع الحبيب
مبروك يا فندم المدونة
عارفة انى علاطول متأخرة بس معلش بئا
لسة شايفاها بعد ما حضرتك نورت عندى هناك كدا
و ان شاء الله اكيد هنستمتع بالبلوج , هو حلو بجد
ميرسي جدا يا حكاية
إتأخرتي على ايه يعني الديوان ؟ دي لسة حتة مدونة وبعدين هناك عندك منوّر أصلا يا حكاية
يارب فعلا تستمتعوا بيها
السلام عليكم يا زميلى العزيز لا اقصد زميلى كمدون و انما زميلى فى الصحافة لاننى صحفية مثلك فى مجلة اون لاين و مجلة انت و هى الشبابية الجديدة او بالحرى تحت الانشاء مدونتك جميلة و اتمنى لك التوفيق ان شاء الله
جيسي
ربنا يوفقك يا رب وده شرف ليا إني أكون زميلك ..
الصحافة على فكرة من الأوساط القليلة في مصر اللي فعلا بتكافئك لما تجتهدي
بدعي لك من كل قلبي
نورتي المدونة
Post a Comment