Tuesday, February 12, 2013

ولو انها مش عربية





مَدرسَة ابتدائي قريبة من البيت..

جنب الشباك بيجي صوتهم من بعيد في تحيّة العلم 
صوت جماعي كبير لأطفال صُغيّرين 
مش بسمع اللي بيهتف لكن بسمع رد الجموع 

وهي بتقول :
"تحيّا جمهورية مصر العربية
"تحيّا جمهورية مصر العربية
"تحيّا جمهورية مصر العربية

اكتشفت إني بردد معاهم بهمس كدة

ومع صوت الإكسليفون اللي مش قادر أحدد 
هو بيعزف لحن إيه 
لكن واصلني طعم صباح المريلة 
قلت:

يا رب.. بحق كل الدم اللي سال في شوارع مصر 
وبحق كل شهيد جالك فرحان 
يا رب 
الأطفال دي متحتاجش تضّحي بنفسها 
عشان تحيّا جمهورية مصر العربية


1 comment:

Sahar said...

يا رب
الأطفال دي متحتاجش تضّحي بنفسها
عشان تحيّا جمهورية مصر العربية

حقيقية أوي