Tuesday, October 23, 2007

نسمة تهزم أي ريح



القلوب جواها نسمة .. قادرة تهزم أي ريح
القلوب جواها كلمة .. تحضن الزمن الجريح
لكننا
ازاي نداوي جرحنا .. من غير إيدينا ما تلمسه
وازاي هنسمع بعضنا .. واحنا كلامنا بنهمسه
والقريب عمال بيبعد






والبعيد غرقان في بعده
والغـُنا مبقاش بيسعد





لا اللي قايله ولا اللي سامعه
بس انا برضه هغني
مش هسلم للتمني
وافضل أحلم بالحقيقة
والحقيقة جوه مني
اللي يغني بيوصف جنة .. عايش فيها ويا حبيبه
واللي بيسمع كان يتمنى .. بس الجنة مجاتش نصيبه
يسمع عنها .. ومشفهاش
قرّب منها .. ومطالهاش
يعني الحب اللي بيتغنى غير الحب اللي بيتعاش
وازاي نداوي جرحنا .. من غير إيدينا ما تلمسه
وازاي هنسمع بعضنا .. واحنا كلامنا بنهمسه















هذه حبيبتي أنغام .. أغنية القلوب من ألبوم بتحب مين .. قديم


معرفش ايه السبب الحقيقي اللي خلاني أنشرها

يمكن عشان أكيد حد فينا محتاج يقراها

أو يسمعها

{ يخرج من يمين المسرح }

29 comments:

فى القلب said...

أنا عايزه أسمعها

مستنى أوى

واللي بيسمع كان يتمنى .. بس الجنة مجاتش نصيبه

يعني الحب اللي بيتغنى غير الحب اللي بيتعاش

دمت بخير

iHaB said...

معلش يا ريس بس فيه بره ميتسوبيشى زرقا راكنة ادام الورشة ..بتاعة حد فيكوا ..هه ..
صباح الفل :D

ايوية said...

ما احلى انغام
من الناس الى بترجع للزمن الى كان فية حب بجد

nany said...

حلو اوووووووووي
الموضوع حلو
والكلام بتاع الآغنيه حلو اووووووي ويلمس الواحد مننا من جواه اوووووووي
وعندك حق في ناس كتير محتاجه تسمعه
واحلي الآشياء اللي بتبقي من غير سبب

e7na said...

بس انا برضه هغني

جميله قوى الجمله دى يا علوه

الموضوع جميل

Meekness !!! said...

انغام
ياااه بحبها قوي قوي اختيار رائع



طمنا اخبارك ايش يا علي

.
زيــزي

Meekness !!! said...

صح مبروووووووووووووووووك على النيو لوك
بجد راااااااااااائع

علوة said...

في القلب

نورتيني كالعادة وانا مبسوط انها عجبتك

حلوة أوي مدونتك

صباح الفل

-------------

ايهاب

وانت من أهل الخير يا ايهاب
لو احتجت حاجة ابقى اتصل

-------------
أيوية

لسه في حب بجد يا ايوية وهفضل أدافع عن الجملة طول ما في كائنات حية بتتنفس
اصل انا رومانسي
:))
صباح الفل
-------------

ناني
ميرسي اوووووووووي
وجميل اوووووووووي
انها عجبتك اوووووووووي

عايزك تعملي مدونة عشان نشوف شغلك

يا صباح الفل
-------------

احنا

دي شهادة في الجون
البلوج نوّر
-------------

زيزي

يا هلا يا هلا ايش لونتش اخبارتش ؟
الحمد لله انا بخير وكثير مبسوط
عاملة ايه انتي وحشتيني
يا صباح الفل
-------------

بخصوص النيو لوك الشهادة لله ده ذوق المدونة العظيمة اوريكا الله يمسيها بالخير وبالمناسبة هي لسه مخلصتش
-------------

الجميع

وحشتوني جدا جدا
بحبكوا
..
...
....
محدش هيرمي ورد ولا ايه ؟

wa7dania said...

علوة الجميل
بشكرك جدا على إهداءك الغنوة دي ليا زمان
كل كلمة فيها بتلمس حاجة فيا
تسلم الأيادي
يا برنس
منى

علوة said...

منى الأجمل والأجمل .. والأجمل

العفو يا منى هو انا اجي ايه بس جنبك ؟
هههههههههه برنس ؟
انا بحب الاسم ده

صباحك فل يا جميل

خلود صلاح said...

يعني الحب اللي بيتغنى غير الحب اللي بيتعاش
وازاي نداوي جرحنا .. من غير إيدينا ما تلمسه
وازاي هنسمع بعضنا .. واحنا كلامنا بنهمسه



الكلمات دى فكرتنى ب(أميمة خليل)


كان الحنين الى اشياء غامضة
ينئى ويدنو
فلا النسيان يقسينى ولا التذكر يدنينى
من امرأة ان مسها قمر صاحت انا القمر القمر القمر


طيب اعمل ايه دلوقت ؟؟ قولى انت ..
تشرب فراولة؟؟

علوة said...

خلود

انتي اخترتي اكتر كلمات الاغنية قربا مني بجد
طبعا أشرب فراولة
هههههههههههه حلو الفنش ده
بجد بجد نورتيني
صباح الفل برائحة الفراولة

aya said...

سالخير يا علوة
وصباح الورد
حسب التوقيت المحلى لقراءة الكومينت
حلوة اوى الكلمات
وحلو اوى ايمانك انه لسه فيه حب وحركات من ديه
ولكن
مادام ليس هناك فى حياتنا اليومية دليل واحد مادى ملموس
يبقى انت مؤمن بحاجة صعب تتواجد
وانا بقولك كده لانى انا كمان زيك مؤمنة بوجود الحب
وهيفضل موجود مادام الوجود
السؤال بقى
اين هووو ؟؟؟

علوة said...

aya

هههههههههههه
حب وحركات .. يبقى الحب في السيرك يا جميل
!!
للإيمان بوابات ندخل من خلالها
والبشر غالبا ما يدخلون من بوابة الصفات
ومن اهم صفات الحب
انه لا يملك جدول مواعيد
وانه مثل فلاش الكاميرا المباغتة
لا تريها .. ولكنها إلتقطتك
فيصبح السؤال رجاءا
"
صوّر بقى يا عم
"

صباح الفل بطعم الفراولة

علوة said...

اما الواحد ساعات بيقول كلام
؟!

محمد العدوي said...

استنى متصورش ..


لما قف كويس الأول ..


حلوة يا علوة

علوة said...

تعال يمين شوية يا عدوي

فلاش

صباح الفل

Meekness !!! said...

سلام الله عليك
؟؟؟؟؟؟؟؟؟؟؟؟؟؟؟؟
ايه غايب كده ليه
فين جديدك


عايزة اقراااااااااا


زيــزي

علوة said...

زيزي

عن قريب بإذن الله

حلوة المدونة بتاعتك اوي


صباح الفل

A long distance said...

هو في احلى من انغام
صوت جميل
كلمات غايه في الروعه
لحن متميز
وناس احلى واحلى بتحب انغام
وبتقدر فنها
mrgkiller2020

خلود صلاح said...

هو انت فين بأى كل الفترة دى مش بتدون ليه ؟؟
بسرعة بأى احسن اغير رأيى واشرب انا الفراولة والله
:)

mesh2dra said...

يا هلا بالرجوع

ونيولوك كمان
مبروك يا فندم

Sara Swidan said...

آخر مرة زرت بلوجك هنا كان من حواي شهر أو شهر و نص ... و كان البوست الموجود "البرنس ضابط احتياطي" ... و دلوقتي البوست بتاع أنغام ..

بجد بطيء بوستات جداً ... لكن تستاهل ..

نصيحة من بلوجاتية زميلة ... ماتبقاش بطيء أول أحسن الزباين تزهق...

محمد العدوي said...

بأصبح .. لأني مشفتكش من زمان


صباحك نغم .

كل الود

شىء من خيالى said...

علوة حبيب قلبى
ازيك يا مان
ايه الاخبار
وحنى جدا اتمنى اشوفك قريب
سلامووووووووووز

حسن ارابيسك said...

اذيك ياشاعر
فعلا شاعر وقاعد جنب الشباك
وحلوة التساؤلات التي في اخر القصيدة
ياترى القصيدة الجايه هاتكون هناك اجابة هذه التساؤلات
امتعتنا

Ahmed Shafie said...

رجعتني ثانوي تاني يا راجل. كنت معلق صرتها في أودتي، وكان صعب ييجي عيد ميلاد حد باحبه ومابعتلوش ألبوم ليها. كان أيامها اسمه شريط.

دلوقت بقيت أفرح لما ألاقي حد بيحب أنغام. زمان كنت باغير عليها.

على فكرة، الأغنية توزيع عمر خيرت

Hossam said...

hello man.how are you.miss to u alot
hope u doing well
c u
bye

علوة said...

الجميع
عفوا لعدم الرد
تتعوض
صباحكوا فل أجمعين