سطور

الحب

واحد من أقوى الأحاسيس على الإطلاق إن لم يكن الأقوى
يفتح المجال لمعاني شديدة السمو
مثل الإيمان .. التضحية .. الإيثار
يتمتع هذا الإحساس بشخصية شديدة الثراء
فهو لن يحتاج قلب الرجل أو المرأة
ولن يحتاج أحدا .. وإنما يحتاجه الجميع
شديد الارستقراطية
يحتاج من يصب له كأس الاحترام مبتسما
كي ينعم عليه برؤيته كثيرا

..

الحب
موجود في أشكال كثيرة للغاية
موجود في تلك الكلمات التي ترقص بين شفتي الأحبة
في جمال الاسم حين تسمعه المرأة من الرجل
في وسامة الرجل عندما يرى نفسه بعيون المرأة

..

موجود في قطعة صغيرة جدا من الخبز
أتت لفم المرأة بين أصابع الرجل
في لمسة حانية من المرأة توقظ الرجل
في لهفة الاثنين لمنزلهما
لعالمهما

..

في تلك المسافة القصيرة للغاية
التي لا تتعد السنتيمترات الثلاثة
بين شفتين مرتجفتين
على وشك رسم قبلة صادقة
يفقد الاثنان الذاكرة خلالها
فينس كل واحد منهم نفسه
ولا يذكر إلا الآخر
عن سعادة الآخر .. يبحث
ولن يحدث اختلافا كبيرا إن كانا على فراش متهرئ
أو وسادة من أفضل أنواع القطن الأبيض
فهما لن يلاحظا شيئا
سوا أنهما قد وقعا في الحب

..

إن أحسا برومانسية كل هذا
وظلا عاقلين
فهذا هو الحب

هي أمي

هي أمي
تذهب كل المعاني وتأتي
وتظل أمي
إحساس منعش، عندما يكتشف الرجل منا أن هناك إمرأة تلعب في حياته أهم دور، تمثل له قارورة الحنان التي لا تنتهي، وبحر من الحب لا تثور أمواجه، تثور الدنيا وتجد نظرتها المبتسمة ورقة بيضاء تكتب على سطورها الذهبية ما بداخلك، وترى في كلماتك خطا عربيا جميلا، تكتب وتكتب ويظل ما في قلبك عالقا بين ضلوعك لا يسمح له كبريائه بأن يرتدي ذلك الخط رغم جماله، تراني دائما كما ولدتني، عاريا من كل الأكاذيب والتجملات، تراني جميلا مهما طغت العيوب على عظامي، تؤمن بما في من مساحات خضراء شاسعة، تفرح فرحا حقيقيا بمحصولها وتسقي نباتاتي من كلماتها لتكبر، تزرع أشجارا عظيمة الطول ولا تستريح لظل إلا ظلها
تحتويني أمي بين ذراعيها لأسمع صوتها موسيقى تطهرني، أشعر أن الله قد سامحني على ما فعلته بقصد وبدون، أنتظر الخير حين تضحك، وأرى غدا جميلا حين تضحك، تلك الشاعرة التي كتبت فيما كتبت عني، وتنبأت لي بمستقبلا ما أراها أمنت بجماله ووثقت في الله أن يكرمني
أمي .. هي تلك الأم التي أستنشق وجودها في المكان، وأرى في عينيها أنني أجمل إنسان على سطح الأرض، ترقد بالداخل الآن، تستعد لإجراء عمليتين جراحيتين في عمودها الفقري وقدمها اليمنى صباحا، بلغت من الثقة في الله الدرجة التي جعلت أعيننا تصبح بلون الفراولة من الضحك منذ عدة ساعات، أمي .. هي تلك الروح التي علمتني اقتناص لحظات السعادة الحقيقية من براثن لحظات الألم، وماهية الرجولة
هي أمي

I'm comming back

رجعت للبلوج
حسيت زي م اكون ليّ واحد صاحبي قصرت في حقه أوي وراجع له لما احتجته
ارتباطي بالاشياء الغير ملموسة بيريحني جدا
كل إحساس فيه بيبقى ليه طعم مختلف
ودايما بحس إن الأشياء بتحس
كنت دايما لما تشوف حاجة بتتكسر عيني تتعلق بيها وأحس إنها بتتألم ألم فظيع
كل حاجة سواء بلاستيك أو حديد أو خشب أو اي خامة كانت
دايما ليها موقف معايا كنت محتاجها فيه ووقفت جنبي
وساعات كان بيبقى في لحظات مفيش حاجة تنفع غير الحاجة دي
في حاجة عاشت معانا لحظة حلوة .. كاميرا مثلا
في حاجة ساعدتنا في لحظة عتمة .. شمعة مثلا
وحاجات وقفت تتألم معانا .. فنجال قهوة في عزا حد بنحبه
وحاجات اتولدت معانا وخلصت معانا .. إزازة عطر فتحناها
حتى جهاز الكمبيوتر رغم كل تعقيداته
ممكن نطبطب عليه لما يتقل شوية
بدل م نقول له انت جهاز سخيف
البلوج بقى .. حكيت فيه حكايات واتكلمت فيه عن حاجات
ولما رجعت له تاني
عاملني احسن معاملة
الصاحب الكويس هو اللي لازم يكون شبيه بحاجة
يا ريت نرجع تاني كلنا بقوة
عشان خاطر البلوجات بتاعتنا
...
لسه بقول صباح الفل

نسمة تهزم أي ريح

القلوب جواها نسمة .. قادرة تهزم أي ريح
القلوب جواها كلمة .. تحضن الزمن الجريح
لكننا
ازاي نداوي جرحنا .. من غير إيدينا ما تلمسه
وازاي هنسمع بعضنا .. واحنا كلامنا بنهمسه
والقريب عمال بيبعد

والبعيد غرقان في بعده
والغـُنا مبقاش بيسعد

لا اللي قايله ولا اللي سامعه
بس انا برضه هغني
مش هسلم للتمني
وافضل أحلم بالحقيقة
والحقيقة جوه مني
اللي يغني بيوصف جنة .. عايش فيها ويا حبيبه
واللي بيسمع كان يتمنى .. بس الجنة مجاتش نصيبه
يسمع عنها .. ومشفهاش
قرّب منها .. ومطالهاش
يعني الحب اللي بيتغنى غير الحب اللي بيتعاش
وازاي نداوي جرحنا .. من غير إيدينا ما تلمسه
وازاي هنسمع بعضنا .. واحنا كلامنا بنهمسه

هذه حبيبتي أنغام .. أغنية القلوب من ألبوم بتحب مين .. قديم

معرفش ايه السبب الحقيقي اللي خلاني أنشرها

يمكن عشان أكيد حد فينا محتاج يقراها

أو يسمعها

{ يخرج من يمين المسرح }

البرنس .. ظابط احتياطي

أقف أمام أحد محلات إكسسوارات الموبايلات بمدينة دسوق، أنتظر كريم الريفي صديقي المقرب كثيرا لقلبي والذي يقوم بشراء ما يحتاجه استعداد لافتتاح محله لصيانة هذه الأجهزة التي احتلت آذاننا .. وجيوبنا !
أرى " عمرو "، زميل الدراسة الذي ظل يدرس بالكلية قرابة الثماني سنوات، وقبل أن ألوّح له بيدي لاحظت أنه يمشي برفقة والدته وأخته تقريبا فأتراجع عن قراري
ولكن .. يتركهما وينحرف عن الطريق ويأتي إلى الرصيف الذي وقفت عليه كي يعانقني كما لو كنا لم نرى بعضنا الآخر منذ عقود وكما لو كنا نبيت سويا وفرقتنا الحياة القاسية !
ودار الحوار الآتي :

عمرو : عامل ايه يا عم علي ؟
( مش عم علي بتاع السجاير .. ده يقصدني أنا )
علوة : الحمد ....
عمرو : ايه يا عم انت فين دلوقتي ؟
علوة : الحمد ....
عمرو : ربنا يوفقك يا رب وتحقق اللي بتتمناه
علوة : ميرسي يا ...
عمرو : شفت ايه اللي حصل ؟
علوة : كنت قد تعلمت من كثرة مقاطعته فسكت

عمرو : مش أنا خدت تأجيل من الجيش ؟
علوة : - مضطر أهنيء - ألف .... مفيش فايدة
عمرو : انت مواليد كام يا عم علي صحيح ؟
علوة : أنا نص تاني .. ديسمبر
{ لكل الشباب تحديدا يعلمون أن الغرض من هذا السؤال هو معرفة إذا كنت من مواليد النصف الأول أم الثاني من السنة لما له من حسابات في الجيش }
عمرو : ضاحكا منتشيا فرحا طائرا متراقصا متغنيا
هتلبس يا علووووووة !!
{ لاحظ توقيت النداء باسمي المفضل }
علوة : ناظرا بغيظ واضح
احم .. مين اللي قال لك كده ؟
عمرو : هما قالولنا كده هناك .. اللي متأخر أكتر من دفعة وواخد الشهادة سبتمبر هيلبس من غير كلام .. يعني انت هتلبس يا حج وهتلبس ظابط احتياطي 3 سنين
علوة : أمك اللي هناك دي يا عمرو ؟
عمرو : آه
علوة : طب روح دلوقتي عشان متسيبهاش في الشارع كده عيب
عمرو : طب انا عايز أشوفك يا عم
علوة : يا باشا عدي عليّ في أي وقت .. :) انا الحمد لله خدت المحل ده
عمرو : كويس والله .. طب وهتعمل فيه ايه لما تروح الجيش ؟
علوة : غور ياله من قدامي

وتركته ورحلت قبل أن أستل مسدسي الـ 9 مل وأفرغ خزنته في صدره، وبغض النظر عن غضبه من انقلابي المفاجئ هناك سؤال الآن

البرنس .. ظابط احتياطي ؟

لن نلتفت إلى حياتي من انطلاق في الطرقات والمدن، فإذا قارنت بين حياتي وحياة الجنود سأشعر بحلاوة الأولي دون ما فيها من سخافات، وسأشعر بمرارة الثانية دون ما بها من مكاسب، فأولى مهماتي كجندي أو كظابط كما قال رحمه الله عمرو .. هي استكشاف الجميل في الجيش .. وقد قال أصدقائي الذين سبقوني وانا لاحق بهم كثيرا.. إني أنفع أوي في الجيش .. المهم معملش واعي ولا أعمل عبيط
وللحق أقول .. المخيف والمرعب في الجيش بحق .. هو أن أتسلم الخدمة في وحدة أو كتيبة .. قائدها يحب مصطفى كامل !

اللهم إني قبلت بحكمك .. وأؤمن بأنك تدخر لي خيرا وفيرا وفيرا
ودعائي كل الدعاء .. بلاش أشوف عمرو .. أو ألاقي الجيش غيّر رأييه وجابوه عسكري في الكتيبة بتاعتي

انتباه .. صباح الفل والله أقول لهم كده في الطابور بتاع الساعة 5 الصبح ده

نقول صباح الفل ؟

ده تاج جاي هدية من

مش قادرة

من فترة طويلة بس لظروف السفر لم اتعامل معاه

انا بصراحة احيانا بزهق من قراية التاج

ياريت التاجي بتاعي ميبقاش كده

اسمك

سرحان عبد البصير .. علي قنديل

اسمك المشهور بيه وسط اصحابك

علوة .. واصحابي من زمان بيقولولي علي بوند

اسم مدونتك

جنب الشباك

لماذا اخترته ..وماهي نيتك من وراء اختياره

اخترته لاني ده مكاني المفضل في أي عربية أركبها، والنية من اختياره هو ان اللي بيقعد جنب الشباك بيبقى شايف الدنيا بره من غير ما ينعزل عن اللي حواليه

صورتك في المدونة ورمزيتها

صورتي وانا قاعد جنب الشباك .. وقال ايه عامل نفسي بفكر يعني

لا انا كنت سرحان بجد


لماذا دخلت عالم التدوين من الاساس

هو موضوع التدوين ده جه بالصدفة على فكرة، لقيت أخويا قنديل وبقية اصحابنا كمان عاملين مدونات
وفي نفس الوقت أنا بحب الاحتكاك على النت المرتبط بفكر وفضفضة وتعبير مش على طريقة هاي ممكن نتعرف
وبعدين كنت بلاحظ ان المدونين – اللي بجد – عندهم أراء كويسة وبيعبروا عن مواضيع جميلة
وانا بصراحة عندي مشكلة في تكوين صداقات هنا في القاهرة لإني اصحابي قليلين اوي هنا
بس الحمد لله قابلت اصدقاء فعلا في منتهى الجدعنة من خلال عالم التدوين

هل فكرت في إغلاق مدونتك؟ والسبب؟

بصراحة لاء مفكرتش في الموضوع ده ، السبب إني مستمتع بالمدونة بتاعتي بالعكس ده انا كمان مستعد للدفاع عنها ضد أي مغتصب
يخرج من يسار المسرح

احلى بوست كتبته ...ضع اللينك , ثم اذكر لماذا

مش عارف .. أصل أنا مش بعبي ألبوم يعني .. كل بوست ليه سبب انا مش بكتب كده وخلاص .. بس انا كنت حابب

موضوع أن تكون علي قنديل، أو بمعنى أصح كنت متأثر وأنا بكتبه

http://aliquandil.blogspot.com/2007/08/blog-post_14.html

وفي نفس الوقت بدأت أحس ان موضوع مصطفى كامل حلو بجد

http://aliquandil.blogspot.com/2007/08/blog-post_11.html

أفضل بوست قرأته؟ وضع لينكه

كتير .. وبصراحة أكتر انا مش برد غير على البوست الكويس
لكن أكتر بوست في بالي أوي دلوقتي وهو فعلا بوست رائع للمدونة المفكرة أيوية

http://rehana2007.blogspot.com/2007/08/blog-post_29.html

وموضوع عن المثليين للمدونة الجامدة اوي حكاية

http://zopendoor.blogspot.com/2007/08/vs.html

وأكتر حاجة لفتت انتباهي فيه هو الشياكة في التعامل مع موضوع مهم

أفضل مدونة قرأتها

المدونة اللي بعلق فيها

لو حد قل أدبه فى التعليق إيه رد فعلك

بنشر التعليق بتاعه وبعدين أنشر صاحبه بالأدب

أسوأ مدونة؟

مدونة الكذاب والمفتعل والفاضي .. والمثلي

أسوأ بوست / أسوأ مدون

بوست مفيهوش حاجة .. رغي الفاضي

اديت الباسوورد لحد قبل كده

آه .. مخلوف .. الرسام معايا في الدستور – غني عن التعريف طبعا

كانت إيه طبيعة علاقتك بيه؟

كنا شغالين على تاكسي سوا وكنت خابط فيسبا واحتمال اتحبس
!! بهرج طبعا
صديقي ومن الناس اللي بحبهم فعلا

هيحصل ايه لإيميلك لما تموت

هيزعل

شخصيتك نوعها إيه

غنية الحمد لله – متقلبة الحمد لله – مغامرة الحمد لله – كويسة الحمد لله

طموحة الحمد لله - واقعية ورومانسية الحمد لله

السفر بالنسبة لك؟

أحلى حاجة .. حاجة كده زي الفراولة

وقت فراغك بتعمل فيه إيه؟

كان زمان السباحة – الجيم – سينما – مسرح – التسكع في الشارع
دلوقتي النت فقط .. والتسكع في الشارع

المود بتاعك؟

فل

الاكلة المفضلة؟

الحمد لله بحب كل نعم ربنا – بس بعز الكوارع وحلويات اللحمة أوي

الصفات اللي أخدتها من بابا و ماما

من بابا : الجدعنة – الإيمان بالثقافة – الأدب في التعامل – الطيبة - السهر
من ماما : الجدعنة – الإصرار على النجاح – التسامح – اهدار الحق أحيانا

اكتر ست حاجات بكرهها

الكلاكسات الكتير بدون داعي
السواق قليل الأدب
حد يحكم عليّ من غير ما يعرفني
الظلم
الممثل المشهور اللي مش بيعرف حتى يتكلم – كذلك المطرب
البرص

اكتر ست حاجات بحبها

علم مصر
العربيات
الخيول
البحر
طائر الحمام والسطح
الصاحب والصاحبة الجدعان

الشغل بالنسبة لك؟

حسنة قليلة تمنع بلاوي كتيرة - الشغل رجولة

الانترنت بالنسبه لك؟

احتلال

امرره لمين ؟

مخلوف قال مش عايز .. وهشام رحمة قال ماشي قشطة بس المشكلة اني مخنوق من هشام عشان مواعيده الفالصو
يبقى نمرر لحكاية وأيوية ووحدانية

في كمان تاج

هو ينفع أعمل تاجين ورا بعض كده ؟

لالالا بلاش .. تاجين في البلوج حرام برضك بالكاف

صباح الفل

أجمد فيلم قصير كوميدي في التاريخ

فيلم قصير لن تمنع نفسك من الضحك حين تراه

فهو أحدث وسائل الانتقام الحديثة

اتبع اللينك ده

http://www.youtube.com/watch?v=qesOMX-SHtA&mode=related&search=

أو ابحث في اليو تيوب على

Tamer المصرى تامرحسنى عادل امام بنات حب كركر دياب نانسى اديب

انا مش هتكلم عن الفيلم إلا من خلال التعليقات، لأن لازم تشوفوا الفيلم ده ضروري وادعولي

فيلم لولد موهوب جدا في التمثيل أتنبأ له أنه هيبقى طلقة .. ولكلمة طلقة دي حكمة